Maa kaash mein aaj school na jaata for APS

Maa kaash mein aaj school na jaata,
Shayad tumhe phir se dekh pata

Teri awaz sunney ko kaan taras rahe hai,
Dekho na maa baarud k goly baras rahe hai

Saare baache apni maa ko pukar rahe hai,
Maa ye log hume kyu maar rahe hai

Tiffin me di tumari roti bhi nai khaai hai,
Maa aaj golio ne meri bhook mitaai hai

Papa se kehna ab mujhe school lene na aaye,
Dekh nahi paunga unhe mera taboot uthaaye

Mere jaane se apna hausla mat khona,
Maa mujhse bichhar kar tum mat rona

Mere khilone ,meri kitabe , mera basta,
Janta hu teri aankhe dekhti rahegi roz mera rasta

Bhaiyya se kehna uska sathi rooth gaya hai,
bachpan ka humara sath chhott gaya hai

Didi se kehna mere liye aansu na bahaye,
Roz meri tasveer ko chota sa phhol chadaye

Teri yaadon mein, khwabon mein, Reh Jaunga,

Maa mein ab laut k wapis nahi aaunga
Maa mein ab laut k wapis nahi aaunga